Бәйрәм бүген, бәйрәм бүген

Бүген беләсезме нинди билгеле дата? Бүген кышның икенче аеның соңгы көне! Ник көләсез ‒ хәзер бит нәрсә көне генә юк, котлашыр өчен көн дә бәйрәм, көн дә туй, дигәндәй. Ә икенче айның соңгы көне шулай ук көтеп алынган дата ул ‒ кемгә ничектер, әмма шәхсән минем өчен «тагын бер генә кышкы ай калды» дигән уй үзе генә дә җаннарны җылытыр сихергә ия. «Көннәр язга авышты», дия торган иде мәрхүмә әбекәем ‒ бу инде көннәрнең кояшка авышуын, тәүлекнең яктылыгы озая төшүен аңлата иде. Хәзер дә әнә игътибар итсәгез, кояш чыкса, яктылыгыннан күзне ача торган түгел, ул елмая башлауга түбә кырыенда хасил булган боз сөңгесеннән тып та тып тамчы тама башлый.

Ә сез нинди көн дисез ату... Язга якынайтучы матур көн бүген! Елмай, дип кояш җылысын, яз мутлыгын бүләк иткән гыйнварның соңгы көне белән сезне!

Автор: Гөлнара Җәлилова

Иң мөһим һәм кызыклы язмаларны Татмедиа Telegram-каналында укыгыз


Ошый
369
0
0
Комментарийлар (0)
Cимвол калды:
Россиянең халык артисткасы вафат
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Минзәлә театры Сабир Өметбаев бюстын аның туган авылына бүләк итте
Реклама
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы