Бер гасырлык тәнәфестән соң Казанда II бөтендөнья татар хатын-кызлары съезды узачак

18-20 апрельдә Казанда II Бөтендөнья татар хатын-кызлары съезды узачак. 102 елдан соң үткәрелгән съездда татар халкының милли үсеш стратегиясе тикшереләчәк, диде “Татар-информ”га Бөтендөнья татар конгрессының “Ак калфак” хатын-кызлар оешмасы рәисе Кадрия Идрисова.

“Беренче мөселман хатын-кызлары съезды 1917 елның 24 апрелендә үткән. 102 елдан соң без икенче съездны үткәрергә булдык. Без бу вакыйганы кайтарырга телибез. Дәүләт күләмендә хатын-кызлар фикере ишетелергә тиеш”, - диде ул.

“Беренче корылтайда ирек, ирләр белән бер хокукта булу, күпхатынлылыктан котылу, бала тәрбиясе, мәгариф мәсьәләләре каралган. Без хәзер ир-атлар бергә укыйбыз, күпхатынлылык проблемалары да юк, сайлау хокукы да бар. Без татар халкының стратегиясе нинди юнәлештә була, шул мәсьәләдә очрашырга телибез”, - диде Кадрия Идрисова.

Съездны Бөтендөнья татар конгрессы оештыра. 27 илдән, 67 Россия төбәгеннән һәм Татарстанның һәр районыннан 500 делегат чакырылган. Делегатлар күләме төбәкләрдәге хатын-кыз оешмаларының активлыгыннан чыгып исәпләнгән. Делегатларның тәкъдимнәреннән чыгып, киләсе съездның кайсы елда җыелачагы билгеле булачак.

Моңа кадәр бөтендөнья татар хатын-кызлары форум формасында җыела иде. Әлегә кадәр барлыгы биш форум узды. Кадрия Идрисова әйтүенчә, “Ак калфак” бәйгесенең финалына үткән кызлар да съездга делегат итеп чакырылачак. Гран-при, беренче, икенче, өченче урыннар съездда билгеле булачак һәм бүләкләнәчәк.

  • Бөтендөнья мөселман хатын-кызлары съезды беренче тапкыр 1917 елның 24 апрелендә Казанда уза. Анда тигез хокук өчен көрәшкә, бөтендөнья хатын-кызлары берләшүгә өндәгән лозунглар була. Корылтайга Россия төбәкләре, Кавказ, Кырым, Төркестан, Польшадан 90 делегат һәм кунак чакырыла. Корылтайны мәркәз бюро Рәисәсе, Казаннан Хәдичә Таначева ача.

Чыганак: tatar-inform

Иң мөһим һәм кызыклы язмаларны Татмедиа Telegram-каналында укыгыз


Ошый
289
0
0
Комментарийлар (0)
Cимвол калды:
Илсөя Бәдретдинованы ни өчен «утыртканнар»?
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Антикоррупция
Реклама
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы