Биибезме?Биибез!

23 июнь 19.00дә Кабан күле яр буенда чечетка биюе нигезләренә багышланган мастер-класс узачак. Әлеге чара – Казан Мэриясе оештырган быелгы «Хәрәкәттә – бәрәкәт» проектының икенче дәресе.

 Чечетка биюе буенча мастер-классны Г.Камал исемендәге Татар дәүләт Академия театры артистлары үткәрәчәк. Бию хәрәкәтләренә Татарстанның халык артисты Илдус Габдрахманов, актерлар Артур Шәйдуллин һәм Ләйcән Гатауллина төшендерәчәк. Дәрес төрле яшьтәге, физик әзерлеге булмаган кешеләр өчен дә туры килә. Һәркем әлеге бию төренә бушлай өйрәнә алачак.

Искәртеп узыйк, «Хәрәкәттә – бәрәкәт» иҗат һәм спорт дәресләренең парклардагы быелгы беренче чарасы июнь башында Кабан күле яр буенда узды. Анда 500 кеше «Ярмәк вагы» татар биюенә өйрәнде.

Бу юлы сезнең барыгызны да бергәләшеп чечетка биюен өйрәнергә чакырабыз. Мастер-класска степ өчен махсус яки үзегезгә уңайлы булган аяк киеменнән килү сорала.

Чаралар Казан Мэриясе тарафыннан Парклар һәм скверлар дирекциясе белән берлектә сентябрьгә кадәр уздырыла. Җәй айларын күңелле итеп үткәрик. Күрешкәнгә кадәр!

Кайда: Кабан күле яр буе (Ш.Мәрҗани урамы ягыннан, Г.Камал театрының парковкасы астында)

Кайчан: 23 нче июнь, 19.00

 

Иң мөһим һәм кызыклы язмаларны Татмедиа Telegram-каналында укыгыз


Ошый
1096
0
0
Комментарийлар (0)
Cимвол калды:
Фирдүс «җырлый белмисең», дип көлде...
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Минзәлә театры Сабир Өметбаев бюстын аның туган авылына бүләк итте
Реклама
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы