Дәүләт һәм җәмәгать эшлеклесе вафат

Кичә Мәскәүдә 87нче яшендә танылган дәүләт һәм җәмәгать эшлеклесе Тәлгать Хурамшин вафат булды. Бу хакта «Башинформ» хәбәр итте.

Тәлгать Закир улы Хурамшин Башкорт АССРның Чишмә районы Ибраһим авылында туган. СССРның атказанган уйлап табучысы, 49 уйлап табылган эш авторы. Күренекле хезмәт уңышлары өчен аңа Социалистик Хезмәт Герое исеме бирелде. Ул СССР Министрлар Советы премиясенә лаек була, Ленин, Октябрь Революциясе орденнары, ике Хезмәт Кызыл Байрагы орденнары, 40тан артык төрле грамота һәм билгеләр белән бүләкләнә.

1965 елда Яңа Уфа нефть эшкәртү заводын җитәкли, ә 1977 елда КПССның XXII съезды исемендәге Уфа нефть эшкәртү заводы директоры була. 1978 елның маенда Хурамшин РСФСР Министрлар Советы каршындагы транспорт һәм нефть продуктлары белән тәэмин итү буенча Баш идарә башлыгы, ә 1979 елда нефть продуктлары белән тәэмин итү буенча РСФСР Дәүләт комитеты рәисе итеп билгеләнә.

Ул бу вазифада 1981 елга кадәр, нефть продуктлары белән тәэмин итү буенча СССР Дәүләт комитеты рәисе булганчыга кадәр эшләгән. КПССның XXV һәм XXVI съезды делегаты, РСФСР Югары Советы депутаты итеп сайлана.

1989 елның ноябреннән 1992 елга кадәр Минтопэнерго нефть эшкәртү һәм нефть химиясе сәнәгатенең Бөтенроссия фәнни-тикшеренү һәм проект институты баш инженеры, техник бүлек башлыгы, баш инженер булып эшли.

1992 елның декабреннән «Башкорт сәүдә һәм технология йорты» ачык типтагы акционерлык җәмгыяте генераль директоры-президенты була. Соңгы елларда Башкортстан Республикасының Россия Федерациясе Президенты каршындагы Тулы вәкаләтле вәкиле урынбасары булып эшләде.

Фото: bashinform.ru

татар-информ

Иң мөһим һәм кызыклы язмаларны Татмедиа Telegram-каналында укыгыз


Ошый
371
0
0
Комментарийлар (0)
Cимвол калды:
«Усал хатын мужикны чүпрәккә әйләндерә»
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Наркотикларга – юк! 12+
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы