Дилә Нигъмәтуллина: «Миннән корбан ясамагыз!»

Марат Мухинның никахлашуы социаль челтәрләрдә зур шау-шу уятты. Белүебезчә, Дилә Нигъмәтуллина белән Марат Мухинның кызлары быел 1 нче сыйныфка барды. Кызның әти-әнисе инде күптән бергә түгел. Алар артык «тамаша» ясамыйча гына дустанә мөнәсәбәтләрен саклап, аерылыштылар.

Шулай да Марат Мухинның өйләнүе социаль челтәрләрдә зур активлык уятты, күпләр Маратны Диләне бала белән калдырып китүдә гаепләп, теләсә нинди пычрак гайбәткә батырды.

Бу мәсьәләгә Марат та, Дилә дә ачыклык кертергә булдылар. Дилә Нигъмәтуллинаның Инстаграм тасмасында шактый күләмле аңлатма барлыкка килде.

«Әйе, без Марат белән күптән бергә түгел. Ләкин мин аеырылышу сәбәпләрен сөйләргә җыенмыйм. Без аның белән дустанә мөнәсәбәтләрне саклап кала алдык. Булат та Марат белән яхшы мөнәсәбәттә. Ул хәтта никахка да чакырулы иде.

Марат бик яхшы әти, ул кызыбызны тәрбияләүгә зур өлеш кертә. Мин Марат өчен бик шат һәм аңа чын күңелдән гаилә бәхете телим

Хөрмәтле дуслар, зинһар, миннән корбан ясамагыз. Мин бәхетсез кешегә охшаганмыни? Мин күптән кияүдә, ләкин шәхси тормышымны кешегә күрсәтергә теләмим. Минем моңа хакым бар», – дип язган җырчы. Шушы җаваптан соң бу мәсьәләгә карата нахак сүзләр тәмамланыр, дип ышана Дилә.

Ә без исә Диләгә дә, Маратка да гаилә бәхете телибез!

Автор: А.Галимова

Фото: Инстаграм @dilyanig

Иң мөһим һәм кызыклы язмаларны Татмедиа Telegram-каналында укыгыз


Ошый
801
0
0
Комментарийлар (0)
Cимвол калды:
Зәмирәдән акча таптыралар
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Инфоролик
Реклама
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы