Экспертлар Татарстанга яз иртә килмәячәк дип белдерде

(Казан, 27 февраль, “Татар-информ”, Наталья Рыбакова). Татарстанда быел яз иртә килмәячәк. Бу хакта “Татар-информ”га КФУның Экология һәм табигый байлыклардан файдалану институтының метеорология, климатология һәм атмосфера экологиясе кафедрасы җитәкчесе Юрий Переведенцев җиткерде.

Эксперт сүзләренчә, быел кыш карлы булды һәм һава температурасы тирбәлеп торды. Декабрьдә температура -8 градус урынына бары -4 градус булды. Гыйнварда нормадан 2 градуска югары булып, -12 градус иде.

Бигрәк тә февраль башында кар күп яуды. Бер тәүлектә айлык нормада явым-төшем булды. Февраль ахырында температура кинәт түбәнәйде. Норма буенча -8дән -10 градуска кадәр буласы урында бүгенге көндә -15 градус булды.

“Быел кыш барысы да күзәтелде: республикада кыш башында Төньяк Атлантика тәэсире белән җылы булды. Хәзер исә Арктика һәм Себер тәэсирендә – салкын. Кышның иң салкын көне 26 февральдә теркәлде. Иртәнге сәгатьләрдә температура КФУ метеостанциясендә -23,5 градусны күрсәтте”, – дип сөйләде Юрий Переведенцев.

Республикада кар күп яуды. Язгы ташулар язның ничек килүенә бәйле.

“Март башында температура нык күтәрелү булмас дип уйлыйм. Мартта кышкы һава торышы булачак. Суыклар хәзерге кебек уртача булачак. Яз иртә килмәячәк”, – диде КФУ хезмәткәре.

Климатик яз гадәттә 31 мартта башлана. Бу вакытта уртача тәүлеклек температура ноль градус була. Кар катламы гадәттә 9 апрельдә таркала. 

татар-информ

Фото: Султан Исхаков

 

Иң мөһим һәм кызыклы язмаларны Татмедиа Telegram-каналында укыгыз


Ошый
196
0
0
Комментарийлар (0)
Cимвол калды:
«Синең кебекләр башка юк...»
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Казнага Кагылма
  • Казнага Кагылма
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы