«Элвин Грейны иң зарыгып көтүчеләр идән юуучы апалар булгандыр»

Танылган җырчы, Башкортстанның атказанган артисты Элвин Грей үз исеме белән бәйле музыкаль лейбл ачылуга багышланган матбугат очрашуы җыйды. Җырчы һәм аның командасы киләчәккә планнары турында сөйләде һәм журналистлар сорауларына җавап бирде.

Без сезнең өчен пресс-конференциядә сөйләнелгәң иң кызыклы әйберләрне бер урында җыйдык.

  1. Элвин Грей һәм аның командасы 19 минутка соңга калып килде. Җырчының продюсеры конференцияне соңрак башларга туры килгәне өчен  гафу үтенде. Соңга калуларын ул бүген генә «Пошел на лево» исемле җырга Мәскәүдә клип төшеп кайтуы белән бәйләде. Димәк бик тиздән җырчының башкалада төшерелгән клибы дөнья күрәчәк.
  2. 1 декабрь көнне Казанда «Татнефть-Арена»да җырчының зур концерты булачак. Әлеге концертта Элвин Грей һәм аның лейблы белән иҗат итүче берничә яңа җырчы чыгыш ясаячак. Шуларның берсе VILLI  (Вилдан Шәмсетдинов) булачак. Калган җырчылар сюрприз булып калсын, диде оештыручылар.
  3. Киләсе елга Элвин Грей лейблы белән яңа парфюмерия продукциясе, кием-салып һәм ресторан ачарга планлаштырала. «Блек стар»дан аермасы нидә дигән сорауга, Радик шаяртып:  «Безнеке милли булачак, чәкчәк сатачакбыз!», дип җавап бирде.
  4. Элвин Грейның командасы Гүзәл Уразова белән конфликт шәхесләр арасында түгел, иҗади исемнәр арасындагы конфликт дип саный. «Бу конфликтны интернетка чыгарганда безнең җыр хокуклары, иҗат хокуклары проблемасына игътибарны арттырасы килде», — дип аңлатты җырчының юристы Анна Попова. Аның сүзләренчә хәзер мәсьәлә белән адвокатлар шөгельләнә. Эш әле бетмәде To be continued (дәвамы алда)» дип шаяртты җырчы. 
  5. Элвин Грей гаиләсе белән бары тик башкортча гына сөйләшүе турында әйтте. Ул үзен башкорт дип саный һәм халык санын алу вакытында үзен башкорт дип язачак. Хәзер татар сәхнәсендә яхшырак чыгыш ясар өчен ул татар телен дә өйрәнә.
  6. Элвин Грейны тыңлаучыларның 30 % татар яки башкорт телен белми. Аларга җырчының җырлау, киенү стиле ошый. Җырчы мондый тыңлаучылар милли телләр белән дә кызыксыныр дип өметләнә.
  7. Соңгы ел эчендә җырчы 300 концерт белән чыгыш ясаган. Концертларга барлыгы 320 мең кеше килгән.
  8. Элвин Грей «Мин татарча сөйләшәм»  акциясендә катнашырга каршы булмас иде, ләкин аны анда чакыручы юк (Әгәр чакырырга теләгәннәр булса, бер ел алдан мөрәҗәгать итәргә кирәк).
  9. Элвин Грей «Үзгәреш җиле» турында бик үк яхшы фикердә булмавын белдерде. Ләкин кискен комментарий бирергә теләмәде. 
  10. Элвин Грей бер ай чамасы ишетү белән бәйле авырудан дәвалануы аркасында концертлар бирми торган. «Колак хәзер башка төрле ишетә. Ләкин мондый колак белән яшәп була һәм концертлар да куеп була», — ди җырчы көлеп.
  11. Элвин Грейның Станислав Барецкий белән сугышуы постановка булып чыкты. Әлеге постановканың инициаторы Станислав Борецкий үзе булган.
  12. Җырчы кечерәк авылларга да концерт белән чыгыш ясаячак. Ләкин җәй көне генә. Мөгаен, Сабан туйларга бай спонсорлардан чакыру алгач, дип уйлап куйдык
  13. Матбугат конференциясенә Татмедианың журналист булмаган хезмәткәрләре дә төште.
  14. Элвин Грей исеменнән чәй, өчпочмак, чәк-чәк һәм башка төрле тәм-томнар да куелган иде
  15. Элвин Грейны иң зарыгып көтүчеләр, мөгаен, идән юуучы апалар булгандыр. Кызганыч, Радик арткы ишектән керде һәм чыкты.

Чыганак:matbugat.ru

Фото: Гөлшат Халиуллина

Иң мөһим һәм кызыклы язмаларны Татмедиа Telegram-каналында укыгыз


Ошый
318
0
0
Комментарийлар (0)
Cимвол калды:
«Минем хәлләр җырларлык түгел»
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Казнага Кагылма
  • Казнага Кагылма
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы