Евгений Плющенконың малае Саша Кыш бабайдан нәрсә көтә?

Яна Рудковская һәм Евгений Плющенконың улы Саша Кыш бабайдан нинди бүләкләр көтүе турында «Вечерний Ургант» тапшыруында сөйләгән. Малай данлыклы әтисенә охшарга тели икән.

Яңа ел бәйрәмнәре артистлар өчен зур сынау булачак, чөнки актив чыгышлар һәм бәйрәм концертлары чоры җитә. Яна Рудковская һәм Евгений Плющенко гаиләсендә берәүгә дә ял итәргә туры килмәячәк, аларның хәтта кечкенә улы Саша да «Аккош күле» Яңа ел тамашасында катнашачак.

Малай инде берничә ел актив рәвештә шөгыльләнә һәм фигуралы шууда зур уңышларга ирешә. Күпләр аның стилен танылган әтисе манерасы белән чагыштыра һәм Сашаның алда зур спорт карьерасы булуын раслый.

Саша Кыш бабайдан үзенчәлекле булмаган һәм аның яшьләрендәге барлык балалар да тели торган бүләк сорый: әтисенеке кебек яңа смартфон.

Әйтергә кирәк, Саша Плющенконы иркә бала дип атавы кыен. Яшь булуына карамастан,  ул инде артист буларак яши. Көн саен ул әтисе белән бергә шугалакта сикерү алымнарын бик тырышып эшкәртә. Ә әнисе аның реклама контрактлары һәм фотосессияләре белән шөгыльләнә. Саша Плющенко танылган дөнья брендының йөзенә әйләнде һәм даими рәвештә мода күрсәтүләрдә катнаша.

Автор: Александра Иванова

Фото: Инстаграм @plushenkoofficial

Иң мөһим һәм кызыклы язмаларны Татмедиа Telegram-каналында укыгыз


Ошый
388
0
0
Комментарийлар (0)
Cимвол калды:
Винера Ганеева ире үлгәннән соң беренче тапкыр сәхнәгә чыгачак
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Наркотикларга – юк! 12+
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы