Филармониянең Музыкаль-әдәби лекторие яңа сезонын ачты

Габдулла Тукай исемендәге Татар дәүләт филармониясенең Музыкаль-әдәби лекторие яңа концерт сезонын Людмила Зыкинаның 90 еллыгына багышланган концерт белән ачты. Бу хакта Филармония лекторие җитәкчесе Владимир Васильев хәбәр итә.

Концертның махсус кунагы – С.Г.Чаговец исемендәге Курск халык хоры. «Хорның бер солисты Ленар Әхмәтҗанов – Татарстан егете. Без аның очраклы гына танышкан идек. Ул интернеттан үзенең педагогы Владимир Васильевны эзләгәндә миңа юлыкты. Владимир Михайлович, сез мине 50 ел элек укыткан идегез», дип хат язды. Ә миңа 38 яшь иде. Сүзнең Опера һәм балет театры дирижеры Владимир Васильев турында баруын аңладым инде. Әмма без шуннан соң ул солист белән аралаша башладык һәм быел бергә концерт эшләргә уйладык. Людмила Зыкина истәлегенә әзерләнгән концерт – шуның нәтиҗәсе».

С.Г.Чаговец исемендәге Курск халык хоры белән Владимир Васильев Чаллының Орган залында да ике концерт биргән. «Башта бер концерт дип уйлаган идек. Тамашачы соравы буенча тагын бер концерт куярга туры килде, - ди. – Кунаклар тамашачының бик итагатьле һәм рәхмәтле булуын әйтте».

Алга таба Лекторийның Чаллыда Пушкинга һәм Толстойга багышланган әдәби-музыкаль кичәләре көтелә. 

татар-информ
 

Фото: соцсети, tatfil.ru/events/

 

Иң мөһим һәм кызыклы язмаларны Татмедиа Telegram-каналында укыгыз


Ошый
197
0
0
Комментарийлар (0)
Cимвол калды:
Ринат Рахматуллин үлгән дигән хәбәр таралган
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Казнага Кагылма
  • Казнага Кагылма
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы