Фирдүс Тямаев белән Элвин Грей татарча мюзиклда төшкән

Элвин Грей, Фирдүс Тямаев, “Зө-ләй-лә” кызлары һәм башка эстрада артистлары катнашында беренче татар мюзиклы төшерелә. Казан халыкара мөселман кинофестиваленең “Казан премьералары” программасы кысаларында “Әпипә” мюзиклы тәкъдим ителде. Фильмның продюсеры – Миләүшә Айтуганова. Режиссеры – Илшат Рәхимбай.

Мюзиклның сюжетына “Әпипә” музыкаль төркеменең гастрольләре нигез итеп алынган.

“Бер җыелганда егетләргә-кызларга: “Җитәр инде сезгә банкетларда җырлап йөрергә, әйдәгез, бер яхшы эш эшлик”, дидем. Шулай проект буенча эш башладык. Кызлар гастрольдәге кызык хәлләре турында яза башладылар. Аннары шул вакыйгалар нигезендә Марат Кәбиров киносценарий язды. Ул кат-кат эшкәртелде. Шуннан соң без проектка Илшат Рәхимбайны чакырдык, - дип сөйләде Миләүшә Айтуганова.

“Без Әлмәттә эшләдек. 25 сменаның әлегә унысын гына төшердек. Без сезгә фильм төшерү процессын һәм кайбер кадрларны гына күрсәтә алабыз”, - диде Илшат Рәхимбай кинозалга җыелган тамашачыга.

Кинокадрлардан күренгәнчә, Миләүшә Айтуганова белән Марат Кәбиров хыялында туган “Әпипә” төркемендә җырчылар Алинә Шәрипҗанова, “Зөләйлә” кызлары, “Фәридә-Алсу” дуэты, Гөлшат Имамиева, Динә Нигъмәтуллина һәм башкалар катнаша. Мюзиклда Элвин Грей белән Фирдүс Тямаев та төшкән.

“Әпипә” төркеменең беренче композициясе Казан кинофестиваленең ябылу тантанасында яңгырады. 

Бу хакта тулырак: https://tatar-inform.tatar/news/2018/09/11/17137

 

 

Татар-Информ

Иң мөһим һәм кызыклы язмаларны Татмедиа Telegram-каналында укыгыз


Ошый
249
0
0
Комментарийлар (0)
Cимвол калды:
«Илнарга карата авыр сүзләрегезне кабул итмим!»
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Световозвращающие элементы на одежде ребенка могут спасти ребенку жизнь
  • Световозвращающие элементы на одежде ребенка могут спасти ребенку жизнь
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы