Гөлназ Сираева: «Элек гел кире сукалый идем»

Җырчы кешеләрнең холкын, тормышта тотышларын күзаллаган һәм бу хакта үз карашын белдерде. 

«Бу бары тик минем күзәтүләр...Миңа гына шулай тоеламы?» – дип сүзен башлый ул. Тормышта «кытыршы» кешеләр еш кына очрый. Алар һәрбер сүзгә «юк, килеп чыкмый, берни дә булышмаячак» дип җавап кайтаралар. Гомумән, бу кешеләр һәрвакытта нәрсә белән булса да кәнагать булмый. Әмма үз тормышын кулга алу ягын да карамыйлар. Җырчы фикеренчә, эшкә мондый караш аркасында аларның тормышта чыннан да берни килеп чыкмый.

Моннан тыш, артистка үзе дә шундый ук булганны язып китте. «Кирегә сукалаучылар мин бик аңлыйм, 25 яшькә кадәр шундый ук идем», – дип дөресен әйтте ул.

Ә башка, «йомшак» кешеләр, беркем белән дә бәхәсләшми, үзен тигез, шома тоталар. Җырчы күзаллавынча, мондый кешеләрнең тормышы шулай ук тигез, үзләре кебек җиңел уза.

Ә Сез җырчының фикере белән килешәсезме?

Автор: Г. Вәлиева

Фото: Инстаграм @gulnaz_siraeva