Галимнәр татар телен интернет аша популярлаштырырга тәкъдим итә

(Казан, 5 февраль, “Татар-информ”, Мөршидә Кыямова). 6 февральдә 11.00 сәгатьтә Татарстан Республикасы Фәннәр академиясенең Кече залында “Татар теленең зур электрон тупланмасы “TATZET” платформасы ачыла һәм тәкъдим ителәчәк. Бу хакта “Татар-информ” хәбәрчесенә ТР Фәннәр академиясенең матбугат хезмәте хәбәр итә.

Татарстан Республикасы Фәннәр академиясе Г.Ибраһимов исемендәге Тел, әдәбият һәм сәнгать институты, Гамәли семиотика институты һәм Татарстан Республикасы Фәннәр академиясе белән хезмәттәшлек итә торган башка оешмалар катнашында татар телен интернет челтәре аша популярлаштыру максатыннан эшләнгән проект ачылышында түбәндәге проектлар тәкъдим ителәчәк:

- татар теле сүзлекләренең электрон фонды (аңлатмалы, тәрҗемә, терминологик һәм башка сүзлекләрне үз эченә ала);

- татар матур әдәбияты корпусы (татар язучылары әсәрләрен, аерым фольклор жанрларының текстларын, башка телләрдән татарчага тәрҗемә ителгән матур әдәбият үрнәкләрен үз эченә ала);

- “Туган тел” татар гомумтел корпусы (күләме – 150 миллионнан артык әдәби кулланышта булган татар сүзе);

- Татарстан Республикасы топонимнарының электрон каталогы (3920 географик атаманы үз эченә алган комплекслы сүзлек);

- татар сөйләме синтезаторы (персональ компьютерда язылган текстны тавыш белән әйтү мөмкинлеген тудыручы проект);

- Microsoft Office,Microsoft Windows, Android, iOS операцион системалары өчен татарча локализация пакетлары һәм Татарстан Республикасы Фәннәр академиясе тарафыннан эшләнгән башка проектлар.

Очрашу Татарстан Республикасы Фәннәр академиясе, фәнни оешмалар, Татарстан Республикасы Дәүләт Советы, Татарстан Республикасы Министрлар Кабинеты, Татарстан Республикасы Мәгариф һәм фән министрлыгы, башка учреждениеләр һәм матбугат вәкилләре катнашында узачак, ди чараны оештыручылар.

Исегезгә төшереп узабыз, чара 2018 елның 6 февралендә Татарстан Республикасы Фәннәр академиясенең кече залында (Казан шәһәре Бауман урамы 20 нче йорт) узачак.

татар-информ

Иң мөһим һәм кызыклы язмаларны Татмедиа Telegram-каналында укыгыз


Ошый
134
0
0
Комментарийлар (0)
Cимвол калды:
Гөлназ Асаеваның хәле начарайган
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Казнага Кагылма
  • Казнага Кагылма
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы