Камал театрында премьера!

Театр премьерасын 4 - 7 ноябрьдә карап булачак.

Камал театры Марсель Сәлимҗанов туган көнгә сезонның беренче премьерасын – Чыңгыз Айтматовның «Гасырдан да озын көн» романы буенча куелган «Буранлы төн» драмасын тәкъдим итте.

Спектакльнең режиссеры - Илгиз Зәйниев, рәссам - Геннадий Скоморохов, композитор - Эльмир Низамов, балетмейстер - Сәлимә Әминова.

7 ноябрьдә легендар татар режиссеры Марсель Сәлимҗановның туган көненә премьера чыгару – Камал театрының традициясе. Быел да театр, шушы традициягә тугры калып, 4, 5, 6, 7 ноябрь көннәрендә премьера тәкъдим итә.

Премьераның беренче көнендә спектакльне Татарстан мәдәният министры Ирада Әюпова да карады.

«Гасырдан да озын көн…» - кыргыз язучысы Чыңгыз Айтматовның беренче романы. Татар укучысына ул манкортлар турындагы риваяте белән аеруча таныш. Спектакльдә манкортлар турындагы риваять эпилог булып бара.

Спектакльдә төп рольне – Буранлы Идегәйне - Россиянең атказанган, Татарстанның халык артисты Илдар Хәйруллин һәм яшь артист Алмаз Борһанов башкара. Әбүталип ролендә - Эмиль Талипов. Каранар дөя ролендә - Татарстанның атказанган артисты Минвәли Габдуллин.

 

Чыганак: Татар-информ

Иң мөһим һәм кызыклы язмаларны Татмедиа Telegram-каналында укыгыз


Ошый
221
0
0
Комментарийлар (0)
Cимвол калды:
Ринат Рахматуллин үлгән дигән хәбәр таралган
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Казнага Кагылма
  • Казнага Кагылма
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы