Кариев театры яңа сезонга нинди сюрпризлар әзерли

Г.Кариев исемендәге Казан Татар дәүләт яшь тамашачы театры яңа 32 нче сезон ачылышы уңаеннан пресс-конференция уздырды. Театр директоры Гүзәл Сәгыйтова премьералар хакында да сөйләде.

Сезон 3 октябрьдә «Кәҗүл читек» спектакле белән ачылачак. Гүзәл Рәмзилевна бу көнне сюрпризлар әзерлибез диде, шуңа күрә берәр сәгать алдан килергә кирәклеген әйтте. «Идеяләр күп, ләкин әлегә барысын да ачып сала алмыйбыз», диде директор.

Шулай итеп тамашачыларны нинди яңалыклар көтә соң?

10, 11 октябрьдә «TAMGA» I режиссерлар лабораториясе кысаларында сайланып алынган, француз язучысы Мари-Од-Мюрайның «Умник» повесте буенча «Йомрыбаш» дип исемләнгән спектакль премьерасы.

26 октябрь «TAMGA»ның тагын бер нәтиҗәсе ‒ «Сәлам, Актәпи!» спектакле премьерасы тәкъдим ителәчәк.

22 ноябрь режиссер Ренат Әюповның «Питер Пэн» спектакль премьерасы.

18-20 сентябрь көннәрендә театр Яр Чаллы Татар дәүләт драма театры бинасында 18 сентябрь «Тапшырыл...ган хатлар», 19 сентябрь «Ләйлә вә Мәҗнүн» мелодрамасы, 20 сентябрь «Супер кияү» комедиясе күрсәтәчәк. 19 сентябрь 12:00 сәгатьтә Тукай районы Новотроицк мәдәният йортында, ә 20 сентябрь 12:00 сәгатьтә Иске Абдул мәдәният йортында балалар өчен «Кәҗүл читек» спектакле күрсәтеләчәк.

1 октябрьгә кадәр балалар һәм яшүсмерләр өчен «ASYL» Бөтенроссия драматургия конкурсына эшләр кабул итү дәвам итә. Конкурсның төп максаты: яшь тамашачы театрларының репертуарын яңа пьесалар белән баету.

Быел «Һөнәр ‒ 2019» XI Бөтенроссия яшь татар режиссурасы фестивален оештыруны Кариев театры үз җилкәсенә ала.

Автор: Г.Шәрәпова

Фото: Султан Исхаков

Иң мөһим һәм кызыклы язмаларны Татмедиа Telegram-каналында укыгыз


Ошый
483
0
0
Комментарийлар (0)
Cимвол калды:
Зәмирәдән акча таптыралар
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Инфоролик
Реклама
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы