Казан мөселман киносы фестиваленең жюри рәисе итеп беренче тапкыр хатын-кыз билгеләнгән

XIV кинофорумның рәисе итеп төрекмән актрисасы, СССРның халык артисткасы Мая-Гүзәл Аймедова сайланган.

(Казан, 17 июль, «Татар-информ»). 2018 елда Казан халыкара мөселман киносы фестиваленең жюри рәисе итеп беренче тапкыр хатын-кыз – танылган төрекмән актрисасы, СССРның халык артисткасы Мая-Гүзәл Аймедова билгеләнгән. Бу хакта кинофестивальнең матбугат хезмәте хәбәр итә.

  • XIV Казан халыкара мөселман киносы фестивале быел 4-10 сентябрьдә узачак. Конкурс программасына кергән фильмнарга 11 илдән килгән 12 эксперт бәя бирәчәк.

Жюри экспертлары арасында актер, сценарийлар авторы, режиссер, продюсер Марек Пробош (АКШ), режиссер-документалист Эмануэль Джероза (Италия), Оран халыкара кино фестивале директоры Седдики Ибраһим (Алжир), кинорежиссёр, сценарийлар авторы, продюсер Эрнест Абдыжапаров (Кыргызстан), СССР Дәүләт премиясе лауреаты, режиссер Шөһрәт Мәхмүдов (Үзбәкстан), кинорежиссер Рәшид Фершиу (Тунис), кинорежиссер Октай Миркасыйм (Азәрбайҗан), кино белгече һәм тәнкыйтьчесе Шәриф Авад (Мисыр), шулай ук Санкт-Петербург кино һәм телевидение институты профессоры, документалист Елена Плугатырева (Россия) бар.

Моннан тыш, жюри составында узган елдагы Казан халыкара мөселман киносы фестиваленең гран-при иясе, Төркия режиссеры Мостафа Кара да булачак. Дәгъвачы фильмнарга шулай ук Татарстанның элеккеге мәдәният министры, «Казан Кремле» музей-тыюлыгы директоры, Казан кинофорумының тәүге рәисе һәм аңа нигез салучыларның берсе Зилә Вәлиева да бәя бирәчәк.  

Фото: кадр из фильма

татар-информ

Иң мөһим һәм кызыклы язмаларны Татмедиа Telegram-каналында укыгыз


Ошый
298
0
0
Комментарийлар (0)
Cимвол калды:
«Әнигә кыен булса, төшемә керә»
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Наш двор
  • Наш двор
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы