Казанда яшәү урыны булмаган һәм мохтаҗ кешеләрне кайнар ризык белән тәэмин итү фургонының яңа урыны барлыкка килде

Яшәү урыны булмаган һәм мохтаҗ кешеләргә кайнар ризык белән фургонның Мәскәү районында Воровский ур., 25 адресы буенча яңа урыны барлыкка килде. Моңа кадәр биредә “Бәхетле” социаль ашханәсе урнашкан иде.

Тест периоды кысаларында (киләсе ике атна) кайнар ризык пәнҗешәмбе көннәрендә 12.30 сәгатьтә һәм шимбә көннәрендә 16.30 сәгатьтә биреләчәк. Аңа ихтыяҗ зур булган очракта, фудтрак ешрак эшләячәк. Оештыручылар көнгә 50 порция кайнар аш бирергә планлаштыра.

Бүген проектның төп локациясе булып Борхан Шаһиди урамындагы сквер санала, биредә фудтрак атнаның биш көнен эшли. Моңы өстәп, машина сишәмбе көннәрендә Идел буе районының Ветераннар йорты янына килә.

Искәртергә кирәк, “Игелекле фудтрак” хәйрия проекты Казанда 28 ноябрьдә Мэриянең “Игелекле Казан” шәһәркүләм проекты кысаларында старт алды. Проектка Казан шәһәр Думасы депутаты Рөстәм Рамазанов нигез салды, генераль партнер – “АрСтрой” компаниясе. Проектка шулай ук “Азу”, “Хинкальная” кафелары, “Булатов групп” рестораннары челтәре, Азык-төлек һәм социаль туклану департаменты, “Зәкят” һәм “Ярдәм” хәйрия фондлары кушылды.

kzn.ru

Иң мөһим һәм кызыклы язмаларны Татмедиа Telegram-каналында укыгыз


Ошый
279
0
0
Комментарийлар (0)
Cимвол калды:
Гөлназ Асаеваның хәле начарайган
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Казнага Кагылма
  • Казнага Кагылма
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы