Халык аны ярата

Кичә, 22 нче октябрь көнне, Галиәсгар Камал театрының зур сәхнәсендә актер, Татарстанның атказанган артисты Олег Фазылҗановның юбилей кичәсе узды. Кичә ике өлешкә бүленгән иде. Беренчесендә актёрның катнашкан спектальләреннән өзекләр уйналса, икенче өлешендә иҗатташ дусларыннан, туганнарыннан һәм авылдашларыннан котлаулар кабул ителде.

Актёрны Татарстан Президенты каршындагы мәдәниятне үстерүгә ярдәм фонды җитәкчесе Нурия Хашимова, театр җитәкчелеге, Татарстан мәдәният министры урынбасары Дамир Натфуллин котлады. Юбилей тамашасында Зөлфәт Хәкимнең театр репертуарыннан күптән төшкән «Телсез күке» спектакленнән өзек күрсәтелде. Күке Зарифы образы – актёрның танылган рольләренең берсе санала. Шулай ук кичәдә «Яшь йөрәкләр»дәге – Сәйфулла, «Диләфрүз - Remake»тагы – Амур, «Дәрсе гыйбрәттер театр»дагы – тикшерүче, «Мулла» спектаклендәге Әмир образы да тамашачы күңелен битараф калдырмады. Олег Фазылҗановны котларга килгән туган ягы Балык Бистәсе районы Казаклар Чаллысы авылының «Нур» керәшен фольклор ансамбле чыгышы кичәне тагын да ямьләндереп җибәрде.

Олег Фазылҗановка алга таба да зур иҗади уңышлар телибез!

Автор: Олеся Дмитриева

Фото: Салават Камалетдинов

KSF 7463

KSF 7513

KSF 7517

KSF 7731

KSF 7754

KSF 7763

Иң мөһим һәм кызыклы язмаларны Татмедиа Telegram-каналында укыгыз


Ошый
660
0
0
Комментарийлар (0)
Cимвол калды:
Булат Бәйрәмов кызын кияүгә бирә
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Минзәлә театры Сабир Өметбаев бюстын аның туган авылына бүләк итте
Реклама
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы