Кирәк бит, бер гаиләгә шундый сынау!..

Шушы көннәрдә Рөстәм Гайзуллин якын дустын соңгы юлга озатты. Гыйбрәт өчен кайгылы хәбәре белән ул инстаграм битендә уртаклашты. 

«Әгәр берәр кинода мондый сценарий булса, тормышта болай булмый ла инде дияр иде тамашачы!

Бүген бер дус егетне соңгы юлга озатырга кайттым авылга. Моннан ике көн элек комага китте, кичә аңына килеп әтисенең кулын кысып, тернәкләнергә өмет биргән, тик, төнлә йөрәге тибүеннән туктый...

Ике ел элек, өч хәрефле авыру аркасында тормыш чәчәге вафат булган иде. Фаҗига арты фаҗига...

Шунысы гаҗәп, төгәл ике ел! 2019 елның 30 мартында хатынын озатканннар иде, 2021 нең 30 мартында үзен..! Хәтта вакыты да бер чама! Раиләсе каршы алгандыр инде Эльмирны.., ике ел күрешми торганнан соң, очрашканнардыр...

Кирәк бит, бер гаиләгә шундый сынау! Беркайчан да тулылана алмаслык югалту! Югалтулар! Ата-ана хәсрәте-балаларының ләхеткә керүен күрү...

Урам тулы халык... соңгы юлга озатырга килгән авылдашлар, дуслар, сабакташлар, хезмәттәшләр... күп иде кеше...

Ике бала-10 һәм 13 яшьлек ике егет йокыдан торуга, әтисез дә калулары турында хәбәр ишетә...
Ничек кенә әйтерләр икән аларга бу хакта, сабыйларның йөрәкләре ярылмасмы дигән уй, авылга кайтканда, юл буе башымнан чыкмады.

Әзмәвер егетне, 35 яшьлек, сукса, тимер өзәрлек егетнең мәетен капка төбенә куйгач, баласының үзен тыя алмыйча, җыелган халыкны күрмичә, әрни-әрни елавын күргәч; бераздан әтисе гәүдәсе янында катып калып, бер ноктага текәлеп калганын күргәч, меңләгән очлы пычак йөрәкне аркылыга да, буйга да телгәләгәндәй булды.

Ул караш әле дә күз алдымда, минем андый күз карашын моңарчы күргәнем юк иде... 10 яшьлек малай, кәфенлек аша әтисен күрергә тырышкан сыман, шул ук вакытта, анда аның әтисе булуына ышынырга теләмәгән сыман, самими күз яшьләре аша бәреп чыккан караш иде ул...

Әтисе Әсхәт абый, әнисе Гөлфия апа тойгы кичерешләре турында әйтеп тә тормыйм инде...

Аяныч тәмамланган мәхәббәт тарихлары исемлегендә тагын бер пар барлыкка килде – Эльмир һәм Раилә.... Урыныгыз оҗмах түрләрендә булсын!» – дип язган артист. 

Үзегезне һәм якыннарыгызны саклагыз, кадерне белеп яшәгез!

Иң мөһим һәм кызыклы язмаларны Татмедиа Telegram-каналында укыгыз


Ошый
1322
1
4
Комментарийлар (1)
Cимвол калды:
  • 1 апрель 2021 - 15:38
    Без имени
    Урыннары ожмах турлэрендэ булсын.иннэренэ кутэрэ алмас ачы кайгылары белэн уртаклашам.курмэгэнгэ курсэтмэсен кургэнгэ ходай куркэм сабырлыклар бирсен.
Айсылу Габдинова: Илфак Шиһаповның соңгы көннәре минем белән узды, аның нәрсә кичергәнен бик яхшы беләм
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Останови огонь
Реклама
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы