Логотип
Хәбәрләр

«Әкият» курчак театры Алтайга гастрольләргә китә

29 октябрь көнне «Әкият» курчак театры гастрольләр белән Барнаулга китәчәк. 2, 3, 4, 5 ноябрь көннәрендә Барнаул шәһәре тамашачылары Алтай дәүләт курчак театры сәхнәсендә татар әкиятенә нигезләнеп яз...

29 октябрь көнне «Әкият» курчак театры гастрольләр белән Барнаулга китәчәк.

2, 3, 4, 5 ноябрь көннәрендә Барнаул шәһәре тамашачылары Алтай дәүләт курчак театры сәхнәсендә татар әкиятенә нигезләнеп язылган «Өч кыз» (А.Хаиров), «Хаврошечка» (Л.Савчук) һәм «Цветик-семицветик» (В.Катаев) спектакльләрен күрә алачак.

Шулай ук, гастрольләр кысаларында Барнаулда гомер кичерүче милләттәшләр катнашында очрашу да уздырылачак.

Бу тәҗрибә алмашу, яңа тамашачылар белән аралашу һәм, әлбәттә инде, коллективлар арасында иҗади элемтәләрне ныгыту да – ди театр ди⁠ректоры Роза Яппарова.

Гастрольләр Татарстан Республикасы һәм Алтай өлкәсе Хөкүмәте арасындагы Килешү кысаларында уза. Сәүдә-икътисади һәм фәнни-техник хезмәттәшлектән тыш, документ мәдәни багланышларны да күздә тота.

Фотода «Өч кыз» спекталеннән фрагмент.

 

Чыганак: puppet-show.ru

Следите за самым важным и интересным в Telegram-каналеТатмедиа

Комментарий юк