Кыргыз хатын-кызлары борынгы милли киемнәргә өстенлек бирә башлаган

(Казан, 24 март, “Татар-информ”). Кыргыз хатын-кызларының элек гадәти булган киеме – билдәмчә-итәк, мода дөньясына кайту өчен, яңарыш кичерә. Режиссер Гәүһәр Сыдыкова “Анадолу” агентлыгына белән әңгәмәсендә шул хакта сөйли. 

Кыргыз халкы элек-электән игенчелек белән шөгыльләнгән, әмма күпчелеге күчмә тормыш рәвеше алып барган. Шуңа да кыргызларның милли киемендә күчмәннәр өс-башына хас алымнар бар, дип белдергән Сыдыкова.

Хатын-кызлар костюмы гадәттә күлмәктән һәм шаровардан торган. Яшь кызлар ачык төстәге тукымадан тегелгән киемнәр кигән. Билдәмчә – итәкнең бер төре, аны гадәттә кара һәм төсле бәрхеттән теккәннәр, аның путасы булган.

Билдәмчә хатын-кызны салкыннан саклаган һәм гәүдәсен төз тотарга ярдәм иткән. Киң путалы традицион итәк бүген дә модага керә, дип билгеләп үтте Сыдыкова. Билдәмчәнең модага кайтару карары Бишкәктә Гамәли сәнгать мәктәбендә кабул ителгән.

Билдәмчә-итәкне теккәндә, төбәкләрнең орнаментлары исәпкә алынган, төсләр һәм тукыманың туры килә торган төрләре кулланылган. Гәүһәр Сыдыкова сүзләренчә, яңа итәкләрне кияүдәге хатын-кызлар да, яшьләр дә бик теләп киеп йөриячәк.

татар-информ

Иң мөһим һәм кызыклы язмаларны Татмедиа Telegram-каналында укыгыз


Ошый
224
0
0
Комментарийлар (0)
Cимвол калды:
Гөлназ Асаеваның хәле начарайган
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Казнага Кагылма
  • Казнага Кагылма
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы