Ландыш Нигъмәтҗанова татар эстрадасы дәүләт тарафыннан ярдәмгә мохтаҗ, дип саный

(Казан, 1 февраль, "Татар-информ", Миләүшә Гарипова). Җырчы Ландыш Нигъмәтҗанова бүгенге татар эстрадасы дәүләт тарафыннан ярдәмгә мохтаҗ, дип саный. Бу фикерне ул "Интертат" электрон газетасына биргән интервьюсында белдерде.

“Татар эстрадасы төшеп калган, дибез... Әлбәттә, ярдәм булмаса, төшеп кала инде ул. Акча түкмичә генә ниндидер шоу, грандиоз әйбер ясап булмый. Артист шәп чыгыш ясасын өчен, аның йөзе генә түгел, киеме генә түгел, җыры гына түгел, бөтен нәрсәсе кирәк - сәхнә бизәлеше, бию”, - дип саный татар эстрадасы җырчысы Ландыш Нигъмәтҗанова.

“Минем аңлавымча, әгәр дә дәүләт татар эстрадасын үстерүгә көч куя икән, артист өчен җиңел була”, - дип,  дәүләт тарафыннан ярдәм кирәклеген билгеләп узды җырчы. Мәдәният министрының эстараданы күзәтеп тору өчен махсус шура булдыру тәкъдименә: “Минем фикерем - әлбәттә, кирәк әйбер” - дип килешә җырчы.

татар-информ

Фото: Ильнар Тухбатов

 

Иң мөһим һәм кызыклы язмаларны Татмедиа Telegram-каналында укыгыз


Ошый
230
0
0
Комментарийлар (0)
Cимвол калды:
Илсөя Бәдретдинова гаиләсендә тирән кайгы
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Останови огонь
Реклама
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы