Ландыш Нигъмәтҗанованы котлыйбыз!

Бүген татар эстрадасында шатлыклы вакыйга – популяр җырчы, 3 бала әнисе Ландыш Нигъмәтҗанова мактаулы исемгә лаек булды. Татарстан Республикасы президенты Рөстәм Нургали улы Миңнеханов карары белән Ландыш Нигъмәтҗановага Татарстанның Атказанган артисты исеме бирелде.

«Чиксез рәхмәтләремне яраткан тыңлаучыларыма, «Барс-Медиа» компаниясенә, хөкүмәт җитәкчелегенә белдерәсем килә. Алга таба да зур уңышлар көтсен безне», – дип яраткан тамашачылары белән шатлыгын уртаклаша артист.

Ландышны ихлас күңелдән зур казанышы белән котлыйбыз, алдагы иҗат юлында уңышлар телибез!

Алсу Габдуллина

Фото: Инстаграм @landyshnigmatjanova