Мари Эл татар яшьләре "Мин татарча сөйләшәм!" акциясе уздыра

(Казан, 19 апрель, "Татар-информ"). Мари Эл башкаласы Йошкар-Ола шәһәрендә "Мин татарча сөйләшәм!" акциясе узачак. Бу хакта күрше республиканың Татар мәдәнияте үзәге хәбәр итә. 

Казанда йөзләгән татар яшьләрен үзенә берләштергән һәм татар телен популярлаштыруга юнәлдерелгән проектны Мари Элда Татар мәдәнияте үзәге  "Бердәмлек" татар яшьләре берлеге белән берлектә оештыра. 

Чара 22 апрель көнне Мәдәният һәм ял паркында узачак. Программада бәйрәм концерты, кызыклы уеннар, флешмоблар каралган. 

татар-информ