«Минем өчен эш һәрвакытта беренче урында»

Соңгы арада Элвин Грей  ешрак рус шоу-бизнесы белән хезмәттәшлек итә башлады. Бер карасаң, ул Григорий Лепс белән видео төшерә, икенче карасаң, ТНТ каналын яулый.

ТНТ каналындагы «Бородина против Бузовой» тапшыруына җырчыны кунак буларак чакырганнар. Биредә Радикның элек йөргән кызы да катнашты. Әлбәттә, сүз аларның мөнәсәбәтләре турында барды.

«Алинә белән безнең барысы да бик яхшы иде. Алты ел узгач, мин араларны өзәргә булдым, үзем киттем. Минем өчен һәрвакытта беренче урында  –  эш. Елга 325 концерт куйдым, ә буш вакытытта студиядә җырлар яздыра идем. Әлеге көндә шәхси тормышымда барысы да яхшы»,  – дип җавап бирде Радик.

Баксаң, Алинә җырчының җанатарларын яратып бетермәгән һәм кабул итмәгән. Артист моның белән килешә алмган.