Пычрак номер өчен машина йөртү хокукыннан мәхрүм итүләре мөмкин

Машина номерларының кыяфәте үзгәргән очракта, йөртүчеләрне бер айдан өч айга кадәр хокукларыннан мәхрүм итәргә яки 5 мең сум күләмендә штрафка тартырга мөмкиннәр. Бу һәм башка берничә яңалык Россия Югары суды Пленумы карарында күрсәтелә. Бу хакта «Российская газета» хәбәр итә.

Документ нигезендә, пычрак яки кар катламы капланган яки төрле җайланмалар белән үзгәртелгән машина номерлары үзгәртелгән номер билгеләре булып санала. Номерның пычрануы һава шартлары белән бәйле булмаган очраклар гына күздә тотыла. Инспектор ясаган һәм эшкә кушып бирелгән фотография яки видеоязма хокук бозу дәлиле булып тора ала.

Моннан тыш, кагыйдә таләпләрен бозып, юл-транспорт һәлакәтенә сәбәп булган машина йөртүче, автомобиленең башка машина белән контактка керү-кермәвенә карамастан, административ хокук бозулар кодексының 12.27 маддәсенең 2нче өлеше нигезендә җаваплылыкка тартылырга мөмкин. Автомобиль хуҗасы һәлакәт очрагы турында белгән һәм аңлы рәвештә авария урынын ташлап киткән очрак шушы вактытта карала.

Карарның тагын бер яңалыгы машина йөртүчедә ОСАГО полисының кәгазь күчермәләре мәҗбүри булуына кагыла. Документта әйтелгәнчә, полисны электрон рәвештә рәсмиләштергән, әмма үзе белән кәгазь күчермәсе булмаган очракта, автомобиль хуҗасын җаваплылыкка тартырга ярамый. Күптән түгел ОСАГО турында законга кертелгән төзәтмәләр кәгазь дубликатыннан башка эшләү мөмкинлеген бирә. 

Бу хакта тулырак: tatar-inform

Иң мөһим һәм кызыклы язмаларны Татмедиа Telegram-каналында укыгыз


Ошый
856
0
0
Комментарийлар (0)
Cимвол калды:
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Минзәлә театры Сабир Өметбаев бюстын аның туган авылына бүләк итте
2 декабрь 2022 - 10:55
694
0
2
"Авылда ныграк тазарам"
23 ноябрь 2022 - 11:30
1857
0
1
«Шушы көнгә калдым үзем дә».
23 ноябрь 2022 - 09:35
1428
0
0
"Яңа татар пьесасы"
17 ноябрь 2022 - 10:10
2605
0
1
АЗАТ ФАЗЛЫЕВНЫҢ ӘТИСЕ ВАФАТ...
11 ноябрь 2022 - 15:15
1929
2
1
Танучылар булырмы икән?
2 ноябрь 2022 - 10:47
3073
0
0
Кияүгә чыгам! Иртәгә...
Реклама
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы