Рафис Борһанов: Безгә телне кызыклырак итеп укыту методикасы кирәк

(Казан, 28 май, “Татар-информ”, Ләйлә Хәкимова). Татарстан Республикасы Мәгариф һәм фән министры Рафис Борһанов татар телен кызыклырак итеп укыту методикасы булдырырга кирәк, дип саный. Бу хакта ул “Татар-информ”га интервьюсында хәбәр итте.

“Президент безгә телне кызыклырак итеп укыту методикасы кирәк булуын аңлатты, бу аеруча балалар өчен каралган методикаларга кагыла. Хәзер дәреслекләр, балалар өчен тапшырулар күп. Мәсәлән, “Шаян” балалар телеканалы бар. Тапшырулар иң югары дәрәҗәдә булсын өчен, Татарстан Президенты аңа бик зур ресурслар бирде. Бу канал дөньякүләм үрнәкләргә тәңгәл килергә тиеш, юкса, аңа ихтыяҗ булмаячак. Бүген барыбызның да иң яхшысын гына аласыбыз килә бит”, - диде ул.

Татарстан Республикасы Мәгариф һәм фән министры сүзләренчә, методикалар булдыру – төп юнәлешләрнең берсе. “Без бөрене чүптән аерырга тиешбез. Бу проблемага ихлас борчылучы һәм ситуацияне яхшыртырга тырышучы кешеләрне һәм ялган фәнне пропагандалаучыларны аерырга кирәк. Бәхеткә, безнең җәмгыять, тулаем алганда, сәламәт. Проблемаларны бер-бер артлы билгеләргә, аларны чишү юлларын күрсәтергә һәм чишәргә була”, - дип билгеләп узды министр.

татар-информ

Иң мөһим һәм кызыклы язмаларны Татмедиа Telegram-каналында укыгыз


Ошый
215
0
0
Комментарийлар (0)
Cимвол калды:
Күңелсез хәбәр: Хәмдүнә Тимергалиева вафат
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Казнага Кагылма
  • Казнага Кагылма
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы