Сарманда Әбүзәр Габдрахмановның иҗат күргәзмәсе ачылды

Рәссам күргәзмәгә килгән укучыларны, сәнгать мәктәбе укытучыларын үзенең хезмәт җимешләре, иҗат алымнары белән таныштырды.

Сарман районы Бөек Ватан сугышы һәм туган якны өйрәнү музеенда Азалак авылында туып-үскән, бүгенге көндә Яр Чаллы шәһәрендә яшәп иҗат итүче, Татарстан рәссамнар берлеге әгъзасы, эшләре Украина, Грузия, Үзбәкстан, Россия шәһәрләре күргәзмәләре коллекциясенә кертелгән Әбүзәр Габдрахмановның иҗат күргәзмәсе ачылды, дип яза җирле басма.

“Тугам ягым табигате” дип исемләнгән картиналар коллекциясендә - район, Азалак авылының табигате. Аларга күз ташлау белән якын, кадерле урыннарны бик тиз танып аласың. Күргәзмәне ачу тантанасына рәссамның рәсем буенча беренче укытучысы Антипов Марс Семенович та килгән иде. Ул укучысы белән бәйле якты истәлекләрен барлады. Музей директоры Дания Кәшипова, Азалак авыл җирлеге башлыгы Илгизәр Габделгазизов рәссам иҗатына югары бәяләрен бирделәр. Әбүзәр Габдрахманов күргәзмәгә килгән укучыларны, сәнгать мәктәбе укытучыларын үзенең хезмәт җимешләре, иҗат алымнары белән таныштырды. Әбүзәр Габдрахмановның картиналар күргәзмәсе район музеенда 20 майга кадәр дәвам итә. Керү - ирекле.

 

Татар-Информ

Иң мөһим һәм кызыклы язмаларны Татмедиа Telegram-каналында укыгыз


Ошый
247
0
0
Комментарийлар (0)
Cимвол калды:
Хәнәфи Бәдигыйны соңгы юлга озаттылар
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Световозвращающие элементы на одежде ребенка могут спасти ребенку жизнь
  • Световозвращающие элементы на одежде ребенка могут спасти ребенку жизнь
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы