Танылган журналист вафат

Шагыйрь Роберт Миңнуллин үзенең Инстаграм битендә кайгылы хәбәр белән урнаклашты: «...Башкортстанның халык шагыйре Мостай Кәримнең улы Илгиз Кәримов вафат. Урыны җәннәттә булсын! Ул танылган язучы, журналист, тәрҗемәче иде. Иң мөһиме, искиткеч тыйнак, ихлас, матур күңелле кеше иде. Ни кызганыч, әтисенең 100 еллык юбилеен күрә алмады инде. Хатыны, танылган язучы һәм журналист Нәзифә Кәримованың, апасы Әлфия Мостафа кызының, якыннарының тирән кайгыларын уртаклашам, сабырлыклар телим!» (текст үзгәртелмәде)

2019 елның 15 март көнне Мәскәүдә танылган тәрҗемәче һәм журналист, Язучылар берлеге әгъзасы Илгиз Мостафа улы Кәримов авырудан соң якты дөнья белән хушлашкан.

Илгиз Кәримов 1942 елның 10 гыйнварендә Башкортстанның Чишмәле районында Келәш авылында туа.  1967 елда Мәскәү дәүләт университетын тәмамлый. 1977 елга кадәр төрле әдәби журналларда хезмәт итә. 1972 елда СССРның телевидение һәм радиотапшырулар Дәүләт комитетының хезмәткәре булып, ә аннары 1973 елда «Яшь коммунист» журналында эшли. 1997-2005 елларда «Оракул» журналын чыгара.

Якыннары һәм дусларының авыр кайгысын уртаклашабыз!

Автор: Эльвира Сабирова

Фото: Инстаграм @robert_minnullin_poet