Татар һәм башкорт язучылары өчен “Заман, тема һәм герой” семинары оештырыла

“Заман, тема һәм герой” дип исемләнгән республика семинарының максаты - яңа исемнәр ачу, заман прозасы таләпләрен һәм үзенчәлекләрен барлау, каләмдәшләр тәҗрибәсен өйрәнү. 

Семинарга башкорт һәм татар язучылары, тәнкыйтьчеләр чакырыла.  Анда 50 яшькә кадәрге авторлар гына катнаша ала. Моның өчен берничә яңа проза әсәре, автор турында мәгълүматны (кайда яши, кайчан языша башлаган, басылган әсәрләре, китаплары исемлеге, телефоны, электрон адресы)  оештыручыларга юлларга кирәк. 

Татар телендә иҗат итүчеләр БР Язучылар берлеге идарәсе рәисе урынбасары Фәния Габидуллинага (fanuk57@mail.ru) һәм “Тулпар” журналының проза бүлеге мөхәррире Дилбәр Булатовага (dilbar.bulatova@yandex.ru) мөрәҗәгать итә ала. 

Семинарны үткәрү вакыты һәм урыны апрель азагында хәбәр ителәчәк. 

татар-информ

Фото: Рамиль Гали