Татар рэперы яшүсмерләр Хаски кебек башкаручыларны тыңламаска тиеш дигән фикердә

Шул ук вакытта Абрар Булат рэперларны тыю аларның популярлашуына гына китерәчәк дип уйлый.

Татар рэперы Абрар Булат (Булат Абраров) Хаски кебек рэперларның җырларын яшүсмерләргә ишеттермәскә кирәк дигән фикердә. Бу хакта ул «Татар-информ»га интервьюсында әйтте.

Соңгы араларда Россиядә берничә рэперның концерты тыелды. Депутатлар, җәмәгать эшлеклеләре рэперларны суицидны пропагандалауда, дини хисләрне мыскыл итүдә гаепләде. Красноярск суды Хаски псевдонимы белән чыгыш ясаган Дмитрий Кузнецовны хулиганлыкта гаепләп кулга алды.

«Хаски элек тә шул жанрда язган. Кемнәр бу җырларны тыңлый, аларның проблемалары булуы бар. 14-15 яшьлек кеше әле сай йөзә. Шул җырларны тыңлап, ул берәр начарлык эшләргә, мәсәлән, үз-үзенә кул салырга мөмкин. Күпме терактлар булды, күпме мәктәпләрдә кешеләр үлде», ‒ ди Абрар Булат.

Музыкант-башкаручы фикеренчә, дәүләт шушындый тискәре күренешләрдән үзен саклый. «15-16 яшьлек үсмерләр, рэперларны тыңлап, ниндидер хаос барлыкка китерергә мөмкин, шунлыктан рэпны тыя башлыйлар. Проблема рэперларда, иҗатта түгел, проблема яшьләрдә», ‒ диде ул.

Абрар Булат «иҗатны тыю дөрес түгел, аны яшьләргә тыңлатмаска гына кирәк» дигән фикердә. Әмма ул җырларны тыю рэперларның популярлашуына гына китерәчәк дигән фаразын әйтте.

Чыганак: tatar-inform

Иң мөһим һәм кызыклы язмаларны Татмедиа Telegram-каналында укыгыз


Ошый
345
0
0
Комментарийлар (0)
Cимвол калды:
Инсаф Фәхретдинов: «Хәерчелектә яшәтеп, мактаулы исемнәр белән алдап йөрттеләр»
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Наркотикларга – юк! 12+
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы