Татар театрларының сезон нәтиҗәләре ясалды

28 июнь көнне Татар театрларының быелгы сезон нәтиҗәләренә багышланган матбугат пресс-конференциясе үткәрелде.

Конференциядә Г. Камал исемендәге татар дәүләт академия театрының әдәби бүлек җитәкчесе Нияз Игламов, Г. Кариев исемендәге Казан дәүләт яшь тамашачы театры директоры Мансур Ярмиев, Әлмәт татар дәүләт драма театрының директоры Фәридә Исмәгыйлева, К. Тинчурин исемендәге татар драма һәм комедия театры директоры Фәнис Мөсәгыйтов әлеге мәсьәлә турында нәтиҗә ясап, журналистларның сорауларына җавап бирделәр.

Нияз Илгамов чыгышын театрдагы яңа йөзләр хакында сүзен башлап җибәрде. Шуларның берсе - Айдар Җаббаров – яңа, җитди, фикерли белә торган режиссер. Шулай ук, бу сезон төрле фестивальләрдә катнашу, Нәүрүз халыкара театраль белем бирүче форум үткәрү һәм гастрольләре белән истә калган. “Без бар куйган максатыбызга ирештек,” – дип белдерде ул.

Казан дәүләт яшь тамашачы театры өчен бу сезон бик уңышлы булган. Театр яңа бинага күчеп, стационар режимында эшли башлый. 278 спектакль куелган, шуларның 41 хәйриягә багышланган. Театрның яңа, балкып килүче режиссеры - Илдар Гатауллин турында әйтеп китмичә булмас. Илдар “Саранлыктан дәва” спектален чыгарган һәм әлеге көндә яңа проект өстендә эшли. “Безнең өчен сезон әле ябылмый. Җәй буе сәләмәтләндерү лагерьларында балалар өчен спектакль куячакбыз,” – дип кыскача үткән сезонга нәтиҗәне Мансур Ярмиев ясады.

Әлмәт татар драма театры  бу сезонны тамашачыга багышлаган. “Тамашачы булмаса – театр булмаячак” – дип Фәридә Исмәгыйлева фикерләде. Шуңа күрә театр беренче чиратта тамашачыны җәлеп итүгә омтылган. Соңгы еллар белән чагыштырганда, быел театрга тамашачының  өч  тапкыр күбрәк килгәне ачыкланды һәм театр куелган максатына ирешкән дигән нәтиҗә ясалды. Электрон билетның популярлаштыру тенденциясе күзәтелә, димәк, яшь тамашачының саны арта.

Быел К. Тинчурин исемендәге татар драма һәм комедия театры Кәрим Тинчуринның 130 еллык юбилеена багышлап сезонны башлап җибәргән. Шул сәбәпле театр Германия һәм Пенза өлкәсенә гастрольләр белән барып кайткан. Театр хәйрия спектакльләре оештырган һәм өченче ел рәттән “Ел хәйриячесе” номинациясендә җиңгән. Барлыгы быел театр 372 спектакль куйган. “Елда 366 көн генә бар. Безнең спекатль саны стационар режимда куелып, гастрольләрдә йөреп бераз артып китте,” - Фәнис Мөсәгыйтов.

Киләсе сезонда театрларны яңа көч һәм премьералар белән көтеп калабыз. Аларга уңышлар, казанышлар һәм куелган максатларына ирешүне теләп калабыз!

Автор: Гөлназ Вәлиева

Фотограф: Рәмис Нәҗмиев

Иң мөһим һәм кызыклы язмаларны Татмедиа Telegram-каналында укыгыз


Ошый
316
0
0
Комментарийлар (0)
Cимвол калды:
Гөлназ Асаеваның хәле начарайган
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Казнага Кагылма
  • Казнага Кагылма
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы