Татар телен популярлаштыручы OSTA TATAR проектын Мәскәүдә тәкъдим иттеләр

(Казан, 10 апрель, “Татар-информ”). Әдәби татар телен куллану өлкәсен киңәйтү максатыннан булдырылган OSTA TATAR проекты Мәскәүдә, Татарстанның Россиядәге Тулы вәкаләтле вәкиллегендә тәкъдим ителгән. Бу хакта вәкиллекнең матбугат хезмәте хәбәр итә.

Проект турында мәскәүлеләргә аның җитәкчесе, филология фәннәре кандидаты, “Татарстан – Яңа гасыр” телеканалының “Манзара” тапшыруы баш мөхәррире Миләүшә Сибгатуллина сөйләгән.

Эфирга чыгар алдыннан дулкынлану хисен ничек җиңәргә, ничек әзерләнергә, киемне ничек сайларга – ул барысы хакында да серләрен ачкан. “Оста татар” очрашуларында мин сезнең белән телевидениедә эшләп туплаган 20 еллык тәҗрибәмне бүлешәм”, - дигән ул.

Татарстан Премьер-министры урынбасары – Татарстанның Россиядәге Тулы вәкаләтле вәкиле Равил Әхмәтшинга проект презентациясен уздыруда ярдәм иткән өчен Миләүша Сибгатуллина “Оста Татар” проектының истәлекле медален тапшырган.

Әлеге чарада шулай ук театр һәм кино актрисасы Нәфисә Хәйруллина, татар бизәкләре белән хатын-кызлар киеме эшләүче дизайнер Әдилә Һадиева, музыкантлар Радик Яруллин һәм Айрат Сафин, бәйрәмне алып баручы Азат Галәмшин булган. 

татар-информ

Фото: http://tatmsk.tatarstan.ru

Иң мөһим һәм кызыклы язмаларны Татмедиа Telegram-каналында укыгыз


Ошый
251
0
0
Комментарийлар (0)
Cимвол калды:
Гөлназ Асаеваның хәле начарайган
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Казнага Кагылма
  • Казнага Кагылма
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы