Татарстан синоптиклары яшен һәм көчле җил турында кисәтә

Төнлә Татарстан буенча яңгыр көтелә.

Иртәгә төнлә һәм көндез Татарстан республикасы территориясендә урыны белән яшен һәм көчле җил көтелә. Җилнең тизлеге 15-20 м/с булачак. Бу хакта Татарстан Республикасы Гидрометеорология һәм әйләнә-тирә мохитне күзәтү идарәсе хәбәр итә.

Төнлә Татарстан буенча яңгыр көтелә. Көндез шулай ук кайбер районнарда яңгыр явуы ихтимал.

Төнлә һава температурасы +12-17 градус, көндез +25-30 градус булачак.

Фото: архив

Татар-Информ