Татарстанның «Хәлимә» фильмы Даккадагы фестивальдә күрсәтеләчәк картиналар арасына керде

Татарстанның «Хәлимә» фильмы Даккадагы XVII халыкара фестивальдә күрсәтеләчәк картиналар арасына керде. Бу хакта ТР «Татаркино» дәүләт бюджет мәдәният учреждениесе хәбәр итә.

Юлия Захарова картинасы «Хатын-кыз кинематографистлар» секциясендә тәкъдим ителгән.

10-18 гыйнварда узачак чарага 72 илдән вәкилләр җыелыр дип көтелә. Анда күрсәтү өчен барлыгы 220 фильмны сайлап алачаклар.

«Хәлимә» - Юлия Захарованың Татарстан тамашачылары арасында популярлык казанган иң уңышлы картиналарыннан берсе. Ул төрле халыкара фестивальләрдә катнашып призлы урыннар яулады. Әйтик, XIII Казан халыкара мөселман киносы фестивалендә автор әлеге фильм өчен Россия Кино белгечләре һәм кино тәнкыйтьчеләре гильдиясенең «Ак фил» бүләгенә лаек булды, Һиндстанда узган халыкара фестивальдә исә дин турындагы иң яхшы фильм өчен махсус бүләк алды (һ.б.).

Моңа кадәр «Хәлимә» фильмының «Катарсис» кинофестивале ярымфиналына чыгуы хакында хәбәр ителгән иде.

Чыганак: Татар-информ

Иң мөһим һәм кызыклы язмаларны Татмедиа Telegram-каналында укыгыз


Ошый
453
0
0
Комментарийлар (0)
Cимвол калды:
Бүтән күрешүләр булмас...
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Минзәлә театры Сабир Өметбаев бюстын аның туган авылына бүләк итте
Реклама
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы