Укытучыларга акча бирәләр!

Россиядә бюджет өлкәсе хезмәткәрләренең хезмәт хакын арттыруга 12,2 млрд. сумнан артык акча бүлеп биреләчәк. Акча резерв фондыннан тотылачак. Тиешле боерыкны ил премьер-министры Михаил Мишустин имзалады.

Хезмәт хакын арттыру укытучылар, табиблар, югары уку йортлары мөгаллимнәренә, фән һәм мәдәният өлкәсендә эшләүчеләргә кагылачак. Шулай итеп, 2,9 млрд. сумнан артык-мәгариф өлкәсе хезмәткәрләренә, 5,2 млрд. сум-фән өлкәсендә эшләүчеләргә ниятләнгән. Медицина хезмәткәрләренең хезмәт хакын арттыруга 2,6 млрд сумнан артык, ә мәдәният өлкәсе хезмәткәрләренә 1,3 млрд сум бүлеп биреләчәк, дип хәбәр итә Россия Хөкүмәте матбугат хезмәте.

Фото: учитель