Юлия Началованың 20 миллионлык әҗәте 12 яшьлек кызына кала

Хастаханәгә эләгер алдыннан Юлия Началованың элекке ире хоккеист Александр Фролов фатир бүлү мәсьәләсе буенча артистканы судка биргән. Мәскәүдәге 4 бүлмәле әлеге фатир Юлиягә беренче ире Евгений Алдониннан калган булган. Юлиянең фатирында 5 ел торганнан соң, 2015 елда Александр Фролов Юлиядән фатирның ярты өлешен сатып алырга карар кылып, җырчыга 20 миллион сум түләгән. Ләкин, ярты елдан, Юлия белән Александр аерылышканнан соң, Юлия үзенә бернинди акча бирелмәве һәм Александрның өлешен кайтармавы хакында белдергән.

Бу хәлләрдән соң, билгеле, әлеге мәсьәлә буенча суд эшләре бара. Юлиянең вафат булуы проблеманың торышын тагын да кискенләндерә. Чөнки беренче варис булып Юлиянең 12 яшьлек кызы Вера тора. «Кызга әнисенең милке һәм турыдан-туры әҗәтләре дә күчәчәк», – дип искәртә юристлар.

Әнисенең вафатыннан соң кызның әтисе белән торуы билгеле. Шуңа да Юлиянең якыннары кызның әтисе Евгений Алдонинның ярдәмендә шикләнми.

Автор: А.Галимова

Фото: Инстаграм @julianachalova