Юлия Высоцкаядан шатлыклы хәбәр

Танылган режиссер Андрей Кончаловскийның хатыны Юлия Высоцкаяга Россиянең атказанган артисты исеме бирелгән. Бу хакта ул үзенең инстаграм аккаунтында хәбәр итте. Исем бирелү турындагы указга президент октябрь аенда кул куйган.

Юлия әйтүенчә, бу шатлыклы вакыйганы ул дуслары белән билгеләп үтәргә җыена.

Актриса күп кенә фильмнарда төшкән, мәсәлән, «Рай», «Дом дураков», «Щелкунчик и Крысиный король», «Глянец», «Солдатский декамерон». Ул шулай ук «Едим дома» тапшыруы аша да таныш, шулай ук күпмедер вакыт «Жди меня» тапшыруын да алып барды. Хәзерге көндә актриса белән ике проект эшләнә берсе ‒ Валерия Гай Германиканың «Мысленный волк» фильмы, икенчесе ‒ «Филатов» сериалы.

Автор: Гөлшат Хәлиуллина

Фото: juliavysotskayaofficial