Зәмирә Рәҗәпова: «Ирем Максим – татар!»

Алып баручы Зәмирә Рәҗәпова Инстаграмда бер кызык хәл сөйләде.

Ире Максим Куприянов белән әле очрашып кына йөргән чакларында, инде ничәнче тапкыр «мәңгегә» дип дип аерылган чакларын искә ала. «Күп дигәндә бер атнага түзә идек», – ди Зәмирә.

Шулай көннәрдән бер көнне Максим тотылган бит! Зәмирәнең подъезд төбенә килеп, өйдәме-юкмы икәнен тикшереп йөри икән.

«Хәзер сөйлим дә, мине ник подъезд төбендә сагалап йөрден, дим?

Көлә. «Почему это «сагалап», мин кич гулять итәргә чыккан идем, где хотел, там и гулял, ди!»

Бу вакыйганы кызыксынып укыган инстадуслары Зәмирәгә «Әллә ирең татармы?» – дип сорау биргәннәр. «Татар, ышанмасагыз үзеннән сорагыз», – ди алып баручы. Белмәгән булсагыз, белеп торыгыз – Максим Куприянов татар егете икән!