37 еллык мәхәббәт

Язучы Ләбиб Лероннарның гаиләсендә түгәрәк юбилей булмаса да, бик ямьле, мәгънәле дата икән. Аларның Фидания апа белән тормыш корып яшәүләренә күп тә түгел, аз да түгел ‒ 37 ел тулган. Моның турында үзенең инстабитенә Фидания апа язып элгән. Ире Ләбиб абый бу көнне чәчкә бәйләме алып кайтса, кызы Ләйлә үзенең «Идел» журналында басылган мәкаләсен алып кайткан, Айсылулары ‒ күчтәнәчләр. Ә оныклары Фәридә дәрестә бабасы Ләбиб Лерон шигырен укыганнан соң, «ә Фәридә Ләбиб Леронның оныгы ул!» ‒ дигән сүзләргә куанып кайткан. Ә Фидания апа үзенең хатирәләрен кузгатып: «37 ел элек тә шушындый салкын көн иде. Йорт-җирсез, акчасыз-нисез ике студент гаилә тормышы белән яши башлаган идек. Элек бөтенесе 20-22 өйләнешә иде, хәзер генә 30 иртә гаилә корырга ашыкмыйлар», ‒ дип куйган. Шулай инде, Фидания апа, хәзер лимузинсыз туй үткәрүләре дә кемнәрдер өчен гупчим оят исемлегендә...

Автор: Гөлнара Җәлилова