Иркә бәби көтәме?

Җырчы Иркәгә соңгы арада иң еш бирелгән сорауның нинди икәнен беләсезме? «Сез әллә дүртенчене көтәсезме?» ‒ дигән сорау икән ул. Инде өч кызы булган Иркә өчен бик тә кызык сорау ул. Кызыклыгы ‒ бала алып кайту алып кайтмауда да түгел, әлеге сорауга бәйле ашау рационын көйләү белән бәйле. Димәк, түгәрәкләнеп киткән җырчы! Ә Иркәнең ире Артур халык яклы икән. «Халык әйтсә ‒ хак әйтә, әйдә уйлашыйк», ‒ ди икән. Анысыннан да көлә Иркә. Нигә көлүен генә тәгаенләп китмәгән инстаграмында ‒ әмма фотосындагы көлүе кояш белән бер. Баланы аны унны да табып була инде ул, әйеме Иркә, аның өчен аерым талант, аерым булдыклылык кирәкми ‒ ә менә үстереп, кеше итү дигәндә генә ай-хай җир җимертеп тырышырга кирәк...

Автор: Гөлнара Җәлилова