Киттек әйдә бакыр туйга

Ә сез ышанмаган идегез! Ышанмадыгыз бит име? Моннан ун ел элек, Максим Галкин белән Алла Пугачева бергә икән, дигән сүзгә гайбәт итеп кенә карадыгыз бит. Ә әлеге йолдызлы гаилә шушы көннәрдә рәсми төстә теркәлгән никахларының 7 еллык бәйрәмен билгеләп үтә. Бакыр туй инде гади тел белән әйткәндә. Примадонна белән Галкин беркемнең бернинди карашына да игътибар итми, бөтен кануннарны җимереп, бөтен хорафатларга көлеп карап, һаман бергә, һаман бәхетле. Үзләренең дәү-иркен утарларында чөкердәшеп, ике бала үстереп, рәхәтләнеп яшәп яталар. Лиза белән Гарри әти-әнисен сөендереп үсә әнә... Нәрсә әйтмәкче, дип. Котлыйк ихлас күңелдән! Чын мәхәббәткә бернинди дә киртә була алмый ‒ булмасын да.

Автор: Гөлнара Җәлилова