Рөстәм Закировтан ябыгу серләре

Хәтерлисезме, Рөстәм Закиров бер ара нык ябыгып, бөтен кирәксез килограммнарын «салып ыргыткан» иде. Кайберәүләр хәтта, авырмыйсыңдыр бит, дип сорарга да кыенсынмаган ул вакытта. Ә сере бик гади иде ‒ Татарстанның халык артисты даими рәвештә фитнес белән шөгыльләнде, бассейнда йөзде. Әмма гастрольләр, мәҗлесләргә еш чакырулы җырчы кабат тазара башлаган әле. Спортзалына абонементы да беткән икән. Әмма Рөстәм якын арада гына аны яңартырга җыенмый.

‒ Планнар икенчерәк бу юлы, ‒ ди җырчы. ‒ Мин саф һавада йөгерә башларга җыенам. Шуңа да Рөстәмне урамда очратсагыз, аптырамагыз, яме ‒ сере әнә бик гади.    

Автор: Гөлнара Җәлилова