Премьералар!

К.Тинчурин исемендәге театрда Туфан Миңнуллинның «Төш» пьесасы куелды. Спектакльнең режиссеры Рәшит Заһидуллин, рәссам - Роман Моров, музыкаль бизәлеш Чыңгыз Абызовныкы. Рольләрдә - Ләлә Миңнуллина, Зөләйха Хәкимҗанова, Илфак Хафизов, Гөлназ Нәүмәтова, Лия Вильданова, Артем Пискунов, Резеда Сәләхова.

Г.Кариев театрында Туфан Миңнуллинның  әсәре буенча куелган «Нигез ташлары» спектакле уйналды. Режиссеры - Ринат Әюпов. Әсәр Татарстанның халык, Россиянең атказанган артисты Нуриәхмәт Сафинның юбилеена атап сәхнәләштерелде.