Уйланулар...

Дамир Сәмерханов, С.Өметбаев исемендәге Минзәлә Татар дәүләт драма театрының баш режиссеры

Туфан абыйның пьесаларын кую безнең өчен һәрчак зур сынау булды һәм шулай булып калыр да. Аның «Мулла» драмасын куярга алынгач, җаваплылыкның никадәр зур икәнлеген, Туфан абыйның һичшиксез премьерага киләчәген һәм фикерен әйтәчәген белеп, ул көнне ничек дулкынланып көтүем әле дә истә. Ул безнең өчен бөек шәхес, кул сузымы җитмәслек кеше иде. Бөек, шул ук вакытта гади. Без аны беркайчан да онытмабыз, әсәрләре белән бик озак яшәр ул безнең арабызда.

«Сәхнә», 2012, №6 (июнь)