Заворотнюк турында хәбәр пәйда булды

Федераль салым хезмәте актриса Анастасия Заворотнюкның бөтен бизнесын ябарга карар иткән. Telegram-канал Mash язуынча, «Азарт-Продакшн» җаваплылыгы чикләнгән компания телетапшырулар һәм шоулар төшерер өчен оештырылган булган. Актриса яманшеш белән авырый башлагач, аның бизнесы кызына күчкән булган. Әлеге вакытта бу бизнес бернинди дә керем китерми, шуңа да салым инспекциясендә аны ябарга карар иткәннәр.

 Шулай ук «Дар» җаваплылыгы чикләнгән җәмгыять тә ябыла. Бу оешма компьютер программалары эшләү белән шөгыльләнергә тиеш булган. Заворотнюк чирләгәч, оешманы Руслан Дорогобедка биргән булганнар.

Анастасия Заворотнюкның 2019 елда баш миендә яманшеш тапканнар иде. Әлеге вакытта ул дәвалану курсы үтә.

Өмет