15 сентябрь көнне Казанның кайбер урамнары транспорт хәрәкәте өчен ябылачак

15 сентябрьдә Казан шәһәре россиякүләм “Кросс нации” акциясенә кушылачак. Мәркәзебездә йөгерү Кремль Казансу яр буе урамы буйлап – Декабристлар урамыннан Сәет Галеев урамына кадәр узачак. Шул сәбәпле шәһәрнең үзәк урамнары рәте транспорт хәрәкәте өчен ябык булачак.

Шулай, сәгать 9.00 - 14.00 кадәр Кремль Казансу яр буе ( Декабристлар урамыннан Сәет Галеев урамына кадәр, шулай ук Кремль Казансу яр буе урамыннан Меңъеллык мәйданына кадәр), Сәет Галеев урамы ( Кремль Казансу яр буе чатыннан Киров дамбасы ягына таба) дип хәбәр итә Казанның физик культура һәм спорт буенча Башкарма комитеты.

Аннан тыш, Казанда “Кросс Нации-2018” үткәрелгән көнне 22, 28а һәм 89 номерлы автобус маршрутларының йөрү схемасы үзгәрәчәк. Үзгәрешләр сәгать 8.00 дән 14.00гә кадәр дәвам итәчәк. Чабышлар Ирек мәйданы юнәлешендә Кремль дамбасы хәрәкәт өлешендә – Меңьеллык мәйданы – Батурин урамында булачак дип хәбәр итә Казанның транспорт буенча Башкарма комитеты.

Россиякүләм “Кросс нации” йөгерү көне ел саен үткәрелә һәм быел әлеге акциягә 85 шәһәр кушылган. Казанда массакүләм йөгерү дистанциясе 1 км , ә профессиональ спортчылар өчен – 1, 2, 4 яки 6 км. “Кросс нации-2018” программасына шулай ук 2 км ераклыкка ГТО чабышы кушылган. Узган елны Казанда узган әлеге акциягә 20,7 меңнән артык кеше катнашкан.

Фото: "Мой город" сайтыннан

Фәнүзә Сираҗиева