6 июнь көнне Татарстанда Рус теле көнен һәм А.С.Пушкин тууына 219 ел тулуны билгеләп үтәчәкләр

Төп бәйрәм чаралары Муса Җәлил исемендәге Татар дәүләт опера һәм балет театры янындагы Пушкин һәйкәле каршында узачак. Көн уртасында биредә шигырь бәйрәме башлана, анда республиканың күренекле шагыйрьләре һәм язучылары чыгыш ясаячак. Әлеге чарага укучылар һәм  студентлар, иҗади җәмәгатьчелек һәм Мәскәүдән язучылар чакырулы.

13.00 сәгатьтә шагыйрьнең һәйкәленә чәчәкләр салу була. Чарада Татарстан Республикасы Президенты Рөстәм Миңнеханов  һәм башка рәсми затлар катнашачак. 14.00 сәгатьтә Муса Җәлил исемендәге Татар дәүләт опера һәм балет театрында Татарстанның сәнгать осталары  катнашында концерт  үткәреләчәк. Биредә СССРның халык артисты Василий Лановой чыгыш ясавы рус шигъриятен һәм әдәбиятын сөючеләргә чын бүләк булыр, дип көтелә.

Моннан тыш, Рус теле көнен һәм А.С.Пушкин тууына 219 ел тулуга багышланган чаралар  республиканың барлык районнарында да узачак, мәдәният учреждениеләрендә, китапханәләрдә, белем бирү оешмаларында тематик күргәзмәләр, концертлар, иҗади очрашулар, әңгәмәләр,  ачык дәресләр һәм әдәби-музыкаль кичәләр үткәреләчәк.

 

mincult.tatarstan.ru

Иң мөһим һәм кызыклы язмаларны Татмедиа Telegram-каналында укыгыз


Ошый
215
0
0
Комментарийлар (0)
Cимвол калды:
«Синең кебекләр башка юк...»
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Казнага Кагылма
  • Казнага Кагылма
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы