Айдар Фәйзрахманов туган авылына клуб ачылышына кайта

Татарстанның халык артисты үз авылы сәхнәсенә 46 ел аяк басмаган булган.

Татарстанның халык артисты, опера җырчысы, дирижер Айдар Фәйзрахманов 15 июльдә Арча районындагы Урта Бирәзә авылы клубы ачылышына Татарстанның дәүләт фольклор музыка ансмабле белән кайта.

  • Клуб 2012 елда эшли башлаган Татарстан Президенты программасы буенча төзелгән. 

"Башта элеккеге мәчет бинасын клуб итеп файдаланганнар иде. Заманында ул мәчетне минем бабаемның бабасы Мөхәммәтшәриф киңәйткән булган. Мәчеткә йөрүче күбәйде дип язган хатын әле дә архивта саклыйм.  Бер нәсел авылның мәдәни, рухи ягын кайгырта дисәң була. Клуб ачу эшен мин беренчеләрдән булып башлап йөргән идем. Авылга юллар салу, газ-су кертү белән абыем Альберт шөгыльләнеп йөрде. Берничә гасыр торган, идәннәре, түшәмнәре ишелеп беткән иде. Авыл советы, Арча башлыгы Илшат Нуриев, мәдәният бүлеге хезмәткәрләре тарафыннан клуб бик матур итеп эшләнде. Нәтиҗәсен 15 көнне халык карамагына тапшырабыз.” - дип сөйләде халык артисты.

“Репертуарыбыз бик бай. Ачылышны планлаштырып куйдым инде. Башта балаларны, авылдагы үзешчәннәрне күрсәтергә, аннары исә фольклор ансамбле чыгыш ясаячак,” – дип ачылышка кагылышлы планнары белән уртаклашты Айдар Фәйзрахманов.

Айдар Фәйзрахманов Урта Бирәзә клубы сәхнәсенә алты яшеннән үк аяк баскан. “Мин шул авылда үстем. Шул авыл нигезеннән чыктым. Шәхес буларак та клуб ачылышы минем өчен бик күркәм һәм кадерле. Клубта минем әти-әниләрем “Галиябану”ны куйдылар, авыл халкы төрле спектакльләр оештырып кына торды, авылдан-авылга концерт белән йөрделәр. Бу клубта минем соңгы чыгыш 72 елда иде. Шуннан бирле авыл сәхнәсенә аяк басканым булмады. Янәдән, ничә еллар узганнан соң, мин авыл клубы сәхнәсенә аяк басачакмын”, – дип сөйләде Айдар Фәйзрахманов.

Фото: Салават Камалетдинов

Автор: Назлыгөл Мәсәлимова 

Татар-Информ

Иң мөһим һәм кызыклы язмаларны Татмедиа Telegram-каналында укыгыз


Ошый
255
0
0
Комментарийлар (0)
Cимвол калды:
Инде ничәнче көн синсез...
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Казнага Кагылма
  • Казнага Кагылма
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы