Айрат Фәррахов: Милли телләр турындагы закон проектына төзәтмәләр әзерләячәкбез

Депутат сүзләренчә, закон инициативасын Думага тапшыруның вакытлымы-түгелме икәнлегенә бәйле сораулар бар.

Казан, 4 май, «Татар-информ», Динара Прокопьева). Дәүләт Думасына Татарстаннан сайланган депутат Айрат Фәррахов билгеләп үткәнчә, мәгариф турындагы федераль канунга үзгәрешләр кертүгә бәйле закон проектына фракция лидерлары түгел, ә депутатлар кул куйган. Парламентарий «Татар-информ» агентлыгына биргән интервьюсында шул хакта хәбәр итте.

Аның фикеренчә, милли телләрне ихтыяри өйрәнү турындагы закон проекты «Россия Федерациясенең Конституцион төзелешенә, федератив мөнәсәбәтләргә кагыла», шулай булгач, аның илнең төп законына туры килүен РФ Конституция суды расларга тиеш.

Депутат сүзләренчә, закон инициативасын Думага тапшыруның вакытлымы-түгелме икәнлегенә бәйле сораулар бар. Дәүләт Думасы, беренче чиратта, зур социаль әһәмияткә ия мәсьәләләрне карый бит.

Айрат Фәррахов билгеләп үткәнчә, закон проекты кабул ителер алдыннан күп кенә инстанцияләр аша үтәргә, аны Россия Президенты имзаларга тиеш.

Дәүләт Думасында закон проекты турында бернинди фикер алышулар да булмады, диде ул.

«Шунысын төгәл әйтә алам: без әлеге закон проектына төзәтмәләр әзерләячәкбез», - дип сүзен йомгаклады Айрат Фәррахов.

татар-информ

Иң мөһим һәм кызыклы язмаларны Татмедиа Telegram-каналында укыгыз


Ошый
235
0
0
Комментарийлар (0)
Cимвол калды:
Гөлназ Асаеваның хәле начарайган
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Казнага Кагылма
  • Казнага Кагылма
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы