Айсылу Габдинова яшьлеген сагына

Ваһапов фестивале лауреаты Айсылу Габдинова инстаграмында кызыклы пост урнаштырды. Фотода ул әти-әнисе белән пилмән бөгеп утыра.

Айсылу тормышның матурлана бармавыннан зарлана. Элек туңдырма да тәмлерәк, киемнәр дә сыйфатлырак, җырлар да моңлырак, кояш та яктырак иде дип сөйләнеп йөргән олы буынны аңлый башлаган, чөнки үзе дә шул хәлдә калган. Элек җәй көне авылда кичен барлык күршеләр биләмгә чыгып, гармунга җырлап, гөрләшеп-көлешеп күңел ача торган булганнар. Айсылу да бу мизгелләрне күреп өлгергән. Айсылу хәзерге вакытта кешеләр бер-берсе белән аралашырга ашкынып тормый, дип саный, чөнки күп кеше вакытын гаджетларда күбрәк үткәрә. Айсылу «Хәзерге үсеп килүче буын тормыштагы матурлыкны күрми, чын хиснең нәрсә икәнен тоймый, аңламый, тере аралашуны оныта. Элек барыбер күңеллерәк иде», ди. Менә алар да телефоннарсыз аралаша-аралаша пилмән ясаганнар әле.

Автор: Г.Хәлиуллина

Посмотреть эту публикацию в Instagram

Публикация от Айсылу Габдинова (@aisylu_gabdinova) 13 Янв 2019 в 3:30 PST